"Pentensiar Xidmətinin əməkdaşlarının uydurma şəri ilə həmikarımız Fariz Namazlını vəkillikdən uzaqlaşdırmağa cəhd edirlər"
PİA.az “Yeni Sabah”-a istinadən xəbər verir ki, bu sözləri tanınmış vəkil Adəm Məmmədov sosial şəbəkədəki səhifəsində yazıb. O, bildirib ki, son zamanlar hüquq mühafizə orqanlarının rəhbərliyi vəkilə təzyiq etmək üçün Vəkillər Kollegiyasına müraciət edir, vəkillərin səlahiyyətinə xitam verilməsi praktikasından "cuşa" gəliblər: "Gec-tez ölkə rəhbəri vəkillərə qarşı edilən haqsızlıqdan xəbər tutacaq. Buna əmin olun!".
Daha sonra gedən müzakirələrdə Adəm Məmmədov qeyd eidb ki, "bəzi insanlar özlərini yaxşı oğlan kimi göstərmək üçün hamam suyu ilə özlərinə dost tutaraq vəkillərin taleyi ilə "məzələnirlər"".
Müzakirələr zamanı hüququ pozulan vəkillərin haqlarının müdafiəsi naminə yeni ictimai birliyin yaradılması da gündəmə gəlib.
Ümumiyyətlə, müzakirələrdə iştirak edən çoxsaylı vəkillər Adəm Məmmədova dəstəyini ifadə ediblər.
Vəkil Rafiq Alışoğlunun da şərhi çox maraqlı olub. O qeyd edib ki, Penitensiar Xidmətin bir neçə şikayəti əsasında bir neçə vəkilin fəaliyyətinə xitam verilməsi üçün məhkəməyə müraciət olunub: "Bu da silsilə müraciətlərdəndir. Ümid edirəm, şikayət əsassız hesab ediləcək".
pia.az
Digərxəbərlər
Populyar xəbərlər
