Fransa Rusiya nömrə nişanlı avtomobillərin ölkəyə girişinə qadağa tətbiq etməklə bir sıra digər Avropa ölkələrini izləmək niyyətində deyil...
Poliqon xəbər verir ki, bu barədə Fransanın Rusiyadakı səfirliyindən bildirilib...
Diplomatik nümayəndəlik qeyd edib ki, belə bir variant hətta nəzərdən keçirilmir:
“Hazırda Avropa İttifaqının 833/2014 saylı Direktivinə XXI Əlavədə göstərilən qaydalara Fransadan heç bir dəyişiklik yoxdur. Finlandiya və Polşa kimi bəzi ölkələr öz qaydalarını dəyişib. Lakin biz onları dəyişdirməyi planlaşdırmırıq".
Ötən həftə Rusiyadakı İtaliya Sahibkarlar Assosiasiyasının (GIM Unimpresa) prezidenti Vittorio Torrembini bildirib ki, İtaliya hakimiyyəti də Rusiya dövlət nömrə nişanlı avtomobillərin ölkəyə girişinə qadağa tətbiq etmək niyyətində deyil. Onun sözlərinə görə, İtaliyaya gələn rusların şəxsi əşyalarının müsadirə edilməsi və ələ keçirilməsi də nəzərdə tutulmur.
Rusiya dövlət nömrə nişanlı avtomobillərin ölkəyə girişinə qadağa artıq Finlandiya, Estoniya, Litva, Latviya və Polşa tərəfindən rəsmən tətbiq edilib. Almaniya ölkəyə gələn rusların sanksiya olunmuş əmlakının müsadirə olunacağını istisna etməyib. Ölkələr, Rusiya mallarının, o cümlədən minik avtomobillərinin Aİ ölkələrinin ərazisinə satışına və idxalına qadağa qoyan Avropa Komissiyasının sentyabr ayında sanksiyalarla bağlı qanunvericiliyin dəqiqləşdirilməsini rəhbər tuturlar.
Poliqon.info
Digərxəbərlər
Populyar xəbərlər
