Florida ştatının Kliruoter şəhərində “Beechcraft Bonanza V35” yüngül təyyarəsi yaşayış treyler parkının ərazisinə çırpılıb...
Poliqon Reuters Agentliyinə istinadən xəbər verir ki, yerli yanğınsöndürmə xidmətinin rəisi Scott Ehlers həm təyyarədə, həm də mobil evdə bir neçə nəfərin öldüyünü bildirib. O, qurbanların dəqiq sayını açıqlamayıb.
Elersin sözlərinə görə, təyyarə parkdakı evlərdən birinin üzərinə düşüb. Qəza nəticəsində yanğın daha dörd qoşquya yayılıb. Yanğınsöndürmə rəisi qeyd edib ki, üç qoşquda olanlar çölə çıxa biliblər və xəsarət alan olmayıb.
Hadisənin şahidi Stiven Askari Reuters Agentliyinə bildirib ki, yanğın yarım saat ərzində söndürülüb.
Federal Aviasiya Administrasiyası CNN telekanalına bildirib ki, təyyarənin pilotu qəzadan əvvəl mühərrikində nasazlıq olduğunu bildirib. Pilot həlak olub. Təyyarədə olan insanların sayı məlum deyil.
Poliqon.info