Ermənistan və İran Araz çayı üzərində yeni körpünün tikintisi layihəsi üzərində işləyir. İndi mütəxəssislər körpünün sonrakı layihələndirilməsi üçün texniki-iqtisadi əsaslandırma aparırlar...
Poliqon xəbər verir ki, bu barədə Ermənistanın ərazi idarəetmə və infrastruktur nazirinin müavini Kristina Qaleçyan "Spuntik Armenia"ya bildirib.
"Biz körpünün tikintisi üçün texniki göstəriciləri dəqiqləşdirməliyik. Bu halda, işləyən körpünün parametrləri, xüsusən də onun tutumu nəzərə alınacaq", deyə Qaleçyan bildirib.
Ola bilər ki, yeni körpü də mövcud körpüyə paralel tikilsin. Eyni zamanda, nazir müavini tələsməməyə və yeni strukturun uzunluğunu, enini, tutumunu və digər parametrlərini müəyyən etməyə kömək edəcək texniki-iqtisadi əsaslandırmanın tamamlanmasını gözləməyə çağırıb.
Şimal-Cənub magistralının ən cənub hissəsinin - İranla həmsərhəd olan Aqarəkdən Qacaran şəhərinə (32 km) qədər olan hissəsinin tikintisinə gəlincə, Qaleçyan qeyd edib ki, böyük ehtimalla, işlərin aktiv mərhələsi 2024-cü ilin fevralında başlayacaq.
"Şirkət böyük miqdarda texnikanı səfərbər etməli və düşərgə qurmalıdır. İlkin qiymətləndirməmizə görə, fiziki işlərə 2024-cü ilin fevralından gec olmayaraq başlanacaq. Biz İran şirkətinin iş planını gözləyirik", deyə Qaleçyan qeyd edib.
Xatırladaq ki, Şimal-Cənub magistralının ən cənub hissəsi İranın "Abad Rahan Pars" və "Ariana Garden Tunnel" şirkətləri konsorsiumu tərəfindən tikilir. Müqavilə 2023-cü ilin oktyabrında İrəvanda imzalanıb. Daha sonra Araz çayı üzərində daha bir sərhəd körpüsünün tikintisi üçün Ermənistan-İran işçi qrupunun yaradılması qərara alınıb.
Poliqon.info
Digərxəbərlər
Populyar xəbərlər
