Prezident İlham Əliyev bu gün keçirdiyi geniş mətbuat konfransında Ermənistanın ikinci Qarabağ müharibəsinin gedişində “İsgəndər” operativ-taktiki raket komplekslərini tətbiq etməsi haqda hazırda bu ölkədə ciddi siyasi çaxnaşmaya səbəb olmuş mövzu haqda da danışıb. Prezident bildirib ki, Ermənistan müharibədə bu raketləri tətbiq etməyib, Azərbaycan tərəfi bunu görməyib və qeydə almayıb.
Sitat: “O ki qaldı Ermənistan baş nazirinin “İsgəndər” raket kompleksi ilə bağlı bəyanatlarına, o, bizdə də suallar doğurub. Mən bunu ironiyalaşdırmaq istəməzdim. Bu məsələyə istər Rusiyanın rəsmi şəxsləri, istər parlament üzvləri, istərsə də ekspertlər tərəfindən kifayət qədər şərh verilib ki, raketin 10% partlaması üçün gərək xeyli çalışasan. Biz “İsgəndər” raketinin atılmasını görməmişik. Ona görə bu bəyanat səsləndiriləndə ötən gün biz yenə də maraqlandıq, ancaq yox, biz bunu görməmişik. Bu sadəcə publik şəkildə deyilmiş boş söz idi”, - Prezident qeyd edib.
İlham Əliyev deyib ki, hərbi əməliyyatların gedişində Rusiya prezident Vladimir Putinlə təmasları zamanı “İsgəndər” raketlərinin Ermənistandan götürülməsinə çağırmışdı.
“Hələ bu raketlər Ermənistana veriləndə mən bildirmişdim ki, bu düzgün addım deyil, çünki regionda sülhə və stabilliyə xidmət etmir, bunlar bizi çəkindirə bilməz. Və müharibə vaxtı mən Rusiya tərəfinə təklif edirdim ki, “İsgəndər”ləri geri götürsünlər, hələ də bu mövqeyimdə qalıram”,-Azərbaycan prezidenti bildirib.
pia.az
Digərxəbərlər
Populyar xəbərlər
