Ermənistan Xarici İşlər Nazirliyinin binası qarşısında etiraz aksiyası keçirilir

Poliqon Ermənitan mətbuatına əsasən xəbər verir ki, iştirakçılar Ermənistanda siyasi məhbusların olduğunu iddia edir. Onlar Avropa Şurasının baş katibi Mariya Pejçinoviç-Buriçdən Ermənistandakı siyasi məhbuslar məsələsi ilə bağlı AŞPA-da dinləmələr təşkil etməyi və ölkənin siyasi məhbuslarla bağlı qərar qəbul etməsini tələb etmək niyyətindədirlər.

Etirazçılar Ermənistan Respublika Partiyasının sədr müavini Armen Aşotyanı, siyasətçi Narek Malyanı, Vanadzorun keçmiş meri Mamikon Aslanyanı, “İmnemnin” podkastının aparıcıları Vazgen Saqatelyan və Narek Samsonyanı, eləcə də Dağlıq Qarabağ rəhbərliyini siyasi məhbus hesab edirlər.

Qeyd edək ki, Avropa Şurasının Baş katibi Mariya Peyçinoviç-Buriç Ermənistana səfər edəcək və xarici işlər naziri Ararat Mirzoyan da daxil olmaqla bir sıra görüşlər keçirəcək.

Poliqon.info