"Ordudakı cinayətlərin böyük bir hissəsi “dedovşina”dan qaynaqlanır"...
Poliqon "Sputnik Ermənistan"a istinadən xəbər verir ki, bunu Ermənistanın baş prokuroru Anna Vardapetyan idarəsinin 2022-ci il üzrə işi haqqında hesabatı təqdim edərkən deyib.
Ümumilikdə, 2022-ci ildə 4570 cinayət törədilib və ya 2021-ci illə müqayisədə (6175) təxminən 26% azdır. Cinayətlərin 63%-i bədbəxt hadisələrlə, 37%-i isə qəsdən törədilmiş cinayətlərlə bağlı olub.
2022-ci ildə Silahlı Qüvvələrdə ölüm nisbəti 2021-ci ildəki 42 deyil, 32 hadisə olub. 14 fakt döyüş şəraiti, 4 hadisə xəstəlik, 3 hal döyüş növbətçiliyi qaydalarının pozulması, 2 hadisə qəza, daha 2 hal silahla davranış qaydalarının pozulması ilə bağlıdır. Üç hadisə intihara təhrik, mina partlayışı və qətllə bağlıdır.
"Bir daha qeyd etməliyik ki, bu cinayətlərin əhəmiyyətli bir hissəsi qanunla müəyyən edilmiş münasibətlərə hörmətsizlikdən qaynaqlanır - çox vaxt bu, xidmətdən əvvəl formalaşır və xidmət zamanı da davam edir", deyə Baş prokuror bildirib.
O, vurğulayıb ki, hərbi prokurorluq zabitlərin bu cür davranışını qeydə alırsa, bu, dərhal müdafiə nazirinin diqqətinə çatdırılır.
Poliqon.info