50 yaşlı Kenton Kul 18-ci dəfə Everesti fəth edib

Britaniyalı alpinist və nepallı bələdçi Everesti ən çox dırmaşmaq üzrə öz rekordlarını qırıblar.

Poliqon xəbər verir ki, bu barədə Reuters Agentliyinə Nepalın turizm biznesinin nümayəndələri məlumat verib.

Nepalın turizm departamentinin direktoru Rakeş Qurunq bildirib ki, 50 yaşlı britaniyalı Kenton Cool və 54 yaşlı nepallı bələdçi Kami Rita Şerpa müvafiq olaraq 18-ci və 29-cu dəfə 8849 metrlik zirvəyə qalxıblar. Onlar müştərilərini müşayiət edən ayrı-ayrı ekspedisiyalarda olublar.

Hər iki alpinist Cənub-Şərq Silsiləsi marşrutu ilə zirvəyə qalxıb. 1953-cü ildə yeni zelandiyalı ser Edmund Hillari və Şerpa Tenzin Norgay tərəfindən irəli sürülən marşrut Everest zirvəsinə gedən ən populyar marşrut olaraq qalır.

Poliqon.info