Bu il poeziyamızın tanınmış nümayəndələrindən olan şair Eldar Baxışın anadan olmasının 75-ci ili tamam olur...
Bu münasibətlə sentyabrın 17-i, saat 15:00-da Səməd Vurğunun Ev Muzeyində şairin adına tədbir düzənlənəcək.
Eyni zamanda tədbirdə yazıçı Azad Qaradərəlinin yenicə çapdan çıxan Eldar Baxışa həsr etdiyi “Vətən şairi” kitabı oxuculara imzalanaraq təqdim olunacaq.
Qeyd edək ki, sözügedən kitabda müəllifin müxtəlif zamanlarda qələmə aldığı esseləri, xatirə yazıları, “E.Baxışa məktub”, habelə ilk dəfə çap olunan geniş həcmli “Qarsiya Lorka və Eldar Baxış”, “Sabir Əhmədli və Eldar Baxış”, “Vətən şairi” məqalələri yer alıb.
Kitabın elmi redaktoru İstanbul Aydın universitetinin professoru Kamil Vəli Nərimanoğlu, redaktoru xanım şair Günel Rəcəbdir.
(Ünvan: Səbayel rayonu, Tərlan Əliyarbəyov – 6, Sahil metrosundan bir qədər aralıda)
pia.az