Sonun başlanğıcı - Telegram-ın alternativi hansı messencerlər ola bilər?..

Poliqon xəbər verir ki, bunu kibertəhlükəsizlik üzrə ukraynalı ekspert Kostiantin Kors KYIV24 telekanalına açıqlamasında bildirib.

"Düşünürəm ki, bu, sonun başlanğıcıdır. Məsələ bu sonluğun nə qədər tez çatacağıdır. Təbii ki, növbəti addım ABŞ və Telegram sahibinə çox oxşar iddiaları olan digər ölkələrdən ekstradisiya tələbləri ola bilər", deyə o, bildirib.

Ekspert xatırladıb ki, bir sıra ölkələrdə dövlət qurumlarının əməkdaşlarına bu messencerdən istifadə qadağan edilib. O, həmçinin Ukraynada Telegram-ın rədd edilməsinin tərəfdarıdır.

"Telegram messencerlər siyahısında sonuncu yerdədir. Daha təhlükəsiz messencerlər çoxdur. Bu, Ukraynada geniş istifadə olunan Siqnal-dır. Telegram-dan daha təhlükəsiz sosial şəbəkələrdən danışsaq, bunlar Viber və WhatsApp-dır", deyə ekspert bildirib.

Qeyd edək ki, Fransa avqustun 24-də Telegram-ın baş direktoru və təsisçisi Pavel Durovu saxlayıb. Məlumata görə, o, messencerin moderasiyasını düzgün aparmamaqda və Fransa hüquq-mühafizə orqanlarının əməkdaşları ilə əməkdaşlıqdan imtina etməkdə ittiham olunur.

Telegram komandası bəyanat yayıb ki, onlar Avropa İttifaqının qanunlarına əməl edirlər və Durovun özünün gizlədə biləcəyi heç nə yoxdur.

Poliqon.info