Əbülfəz Məlikovun həbsi xəbəri yayıldı…

Belə ki, zamanında gömrük sistemində böyük pullar əldə etməsinə baxmayaraq məsuliyyətdən kənarda qalan, hələ də bir sıra malların idxal biznesini inhisarında saxlayan və hazırda “Gilan” Holdinqdə günlərini sayan Əbülfəz Məlikovun həbs olunduğunu iddia edir.

Mənbə bildirir ki, Əbülfəz Məlikovun adı “Dərman Mafiyası” işinə görə həbs olunan gömrük generalları ilə birgə çəkilirdi: “Amma həbs nədəni tamam fərqlidir, bu barədə xəbərlər gizli tutulur”.

Yada salaq ki, bu il aprelin 30-da Baş Prokurorluq, Dövlət Təhlükəsizliyi Xidməti və Dövlət Gömrük Komitəsi əməkdaşlarının keçirdiyi birgə əməliyyat nəticəsində dərman vasitələrinin qanunsuz dövriyyəsi ilə məşğul olan mütəşəkkil dəstə-DGK-nın yüksək vəzifəli şəxslərinin də içində olduğu “dərman mafiyası” ifşa olunub.

Üç gün sonra, mayın 3-də isə DGK sədrinin müvafiq əmrinə əsasən Dövlət Gömrük Komitəsinin yüksək vəzifəli məmurları -Hava Nəqliyyatında Baş Gömrük İdarəsinin rəisi Sadiq Abduyev ,Tibbi Xidmət İdarəsinin rəisi Fikrət Qədiməliyev, Hava Nəqliyyatında Baş Gömrük İdarəsinin Birinci yük şöbəsinin rəisi Araz Məmmədov işdən çıxarılıb.

“Dərman mafiyası” üçbucağının bir tərəfində Fikrət Qədiməliyev, digərində Sadiq Abduyev dayanıb. Dərmanlar ölkəyə onların qeyri-rəsmi izni ilə daxil olub, başqa adlar altında rəsmiləşdirilərək ən müxtəlif aptek şəbəkələrinə dağıdılmaqla əhaliyə satılıb. Rəsmi məlumatdan da məlum olduğu kimi, “dərman mafiyası” ilə DGK rəsmiləri qaçaq yolla ölkəyə gətirilən dərman preparatlarına görə 25 faiz haqq alıblar. Hazırda cinayət işi üzrə istintaq-əməliyyat tədbirləri davam etdirilir.

Dia.az-a danışan mənbə bildirib ki, yaxın vaxtlarda gömrüyün borker sistemi ilə bağlı olan və Əbülfəz Məlikova yaxın olan digər şəxslər barəsində də hüquqi addımlar atıla bilər. Əlavə bilgilərimiz olacaq. Bütün maraqlı tərəfləri dinləməyə hazırıq… (dia.az)

pia.az