Dünyada koronavirusa yoluxma altı aydan sonra artıb

Dünyada son altı ayda ilk dəfə olaraq iyun ayında COVID-19-a yoluxma hallarında artım qeydə alınıb.

İyun ayında qlobal miqyasda koronavirus xəstələrinin sayı 17,3 milyon nəfər artıb ki, bu da may ayı ilə müqayisədə təxminən 15% çoxdur.

Qeyd edilir ki, bu tendensiya 2022-ci ilin yanvarından bəri ilk dəfə qeydə alınıb. Braziliyada iyunun sonuna qədər təxminən 75 min, Meksikada isə hər gün təxminən 25 min gündəlik yoluxma sayı qeydə alınır.

Yoluxma Qərbi Avropada (Almaniya, Fransa, İtaliya) və Asiyada (Hindistan, İndoneziya, Tailand, Yaponiya) da artır.

Eyni zamanda, ölüm nisbəti azalır. İyun ayında dünyada təxminən 40,8 min insan koronavirusun təsirindən dünyasını dəyişib ki, bu da may ayı ilə müqayisədə üçdə bir dəfə azdır.

pia.az