Onların arasında Britaniyadan, Hollandiyadan, İspaniya və Fransadan olan yüksək mənsəbli şəxslər də var…
PİA.az xəbər verir ki, bu barədə Britaniyanın The Times qəzeti məlumat yayıb.
Məlumatda qeyd edilir ki, aralarında Britaniyanın, Hollandiyanın, İspaniyanın və Fransanın yüksək mənsəbli şəxslərin də olduğu “süper kartel” Avropayadakı bütün kokain ticarətinin üçdə birinə nəzarət edib.
İspaniyada 15 nəfər həbs edilib, müstəntiqlər onların 24 milyon avro dəyərində aktivlərini müsadirə ediblər. Dubayda həbs edilən Britaniya vətəndaşı olan şəxslərdən biri İspaniya polisi tərəfindən “süper kartelin” rəhbəri kimi göstərilib.
“Avropa superkarteli” adlandırılan bu dəstə cinayət aləmində narkobaron kimi tanınıb və bütün Avropada narkotikin yayılması üçün şəbəkəyə malik olub. Həmçinin həbs edilənlərin tanınmış mafiozlarla əlaqəli olduğu güman edilir.
Təkcə kokain qaçaqmalçılığı ilə cinayətkar qrupun əməliyyatlarının dəyəri 4,3 milyard avro dəyərində qiymətləndirilir. Polis həmçinin on milyonlarla avro dəyərində olan dəbdəbəli daşınmaz əmlak, avtomobil və motosikletlər də daxil olmaqla aktivləri müsadirə edib.
pia.az