Rusiya Təhlükəsizlik Şurasının sədr müavini Dmitri Medvedev, NATO sammitində Ukraynaya silah yardımını artırmaq qərarına reaksiya verib...
Poliqon xəbər verir ki, sabiq Rusiya prezidenti öz telegram kanalında yaydığı bir açıqlamada Üçüncü Dünya müharibəsinin yaxınlaşdığını bildirib.
Medvedev yazılı açıqlamasında Litvanın paytaxtı Vilnüsdə keçirilən NATO Liderlər Zirvəsini dəyərləndirib. Sammitdə əldə edilən nəticələrin Rusiyanın gözləntiləri daxilində olduğunu bildirən Medvedev Ukraynanın yəqin ki, heç vaxt NATO-ya qəbul edilməyəcəyini deyib:
“Alyansdakı realistlərin ucadan deməkdən qorxduğu məhz budur. Bundan əlavə, Kiyev rejiminə silah dəstəyi, raketlər, kaset bombaları və təyyarələr hər şəkildə artırılacaq”.
Qərbin “dəli” olduğunu vurğulayan Medvedev “Dəli olmuş Qərbin ağlına başqa bir şey gəlmir. Onlar axmaqlıq həddinə qədər proqnozlaşdırıla bilməyin ən yüksək səviyyəsindədirlər. Bu, çıxılmaz dalandır. Üçüncü Dünya müharibəsi yaxınlaşır”, deyə yazıb.
Bu nəticələrin Rusiya üçün mənasının da aydın olduğunu qeyd edən Medvedev əlavə edib:
“Xüsusi hərbi əməliyyat eyni məqsədlərlə davam edəcək. Onlardan biri Kiyev nasist qruplaşmasının NATO üzvlüyünün rədd edilməsidir ki, biz bunu əvvəldən israrla demişik, bu mümkün deyil”.
Poliqon.info
Digərxəbərlər
Populyar xəbərlər
