-1724937477.jpg&h=280&w=360&sc=1&q=100)
“Koronavirus pandemiyası Çinin iqtisadi inkişafına görünməmiş zərbə vurdu. Bu, İkinci Dünya müharibəsindən bəri baş verən ən kəskin böhran idi. Nəticədə Çinin bütün makroiqtisadi göstəriciləri azalıb”...
“Report” “RİA Novosti”yə istinadən xəbər verir ki, bunu bazar ertəsi Çinin İslahat və İnkişaf Dövlət Komitəsinin Ümumi iqtisadiyyat şöbəsinin direktoru Yan Pençen deyib.
Qeyd edək ki, 2020-ci ilin ilk rübündə Çinin ÜDM-i 6,8% azalıb, ölkə iqtisadiyyatında 1992-ci ildən bu yana ilk dəfə geriləmə olub.
Bununla yanaşı, məmur qeyd edib ki, birinci rübdəki iqtisadi vəziyyəti təhlil edərkən bunun sırf Çin iqtisadiyyatındakı tənəzzüllə yox, qəfil hadisənin nəticəsi ilə əlaqədar olduğunu nəzərə almaq lazımdır.
O vurğulayıb ki, insanların həyatı və sağlamlığı ən dəyərli şey olduğundan qısamüddətli iqtisadi çətinliklər dözüləndir.
“Çinin nəhəng daxili bazarı var. Elə bunun sayəsində də müvəqqəti çətinlikləri dəf edə biləcəyik”, - Yan Pençen söyləyib.
pia.az
Digərxəbərlər
Populyar xəbərlər
