Çin 8 yanvar 2023-cü il tarixindən etibarən xaricdən gələn səyahətçilər üçün karantin tələbini aradan qaldıracaq...
PİA.az Türkiyə mətbuatına istinadən xəbər verir ki, Çin sıfır Covid siyasətindən uzaqlaşır. Çin Milli Səhiyyə Komissiyasından verilən açıqlamada 8 yanvar 2023-cü il tarixindən etibarən Covid-19-un xəstəlik təsnifatının A kateqoriyasından daha az sərt olan B kateqoriyasına endiriləcəyi bildirilib. Bu qərar xəstəliyin daha az ölümcül xarakter alacağı və getdikcə ümumi tənəffüs yoluxucu infeksiyaya çevriləcəyi gözləntiləri ilə qəbul edilib.
Covid-19 siyasətindəki bu dəyişikliklə xaricdən gələn sərnişinlərə tətbiq edilən karantin öhdəliyi 8 yanvar 2023-cü il tarixindən etibarən qaldırılacaq. Lakin karantin ləğv edilsə belə, yola düşmədən 48 saat əvvəl tələb olunan mənfi PCR testi tələbi davam edəcək.
pia.az