ABŞ prezidenti Co Bayden bildirib ki, sabah Ukrayna Silahlı Qüvvələrinin tədarükünə bu həftə başlamaq üçün Konqresin hər iki palatası tərəfindən təsdiqlənmiş Ukraynaya 61 milyard dollarlıq yardım ayıran qanun layihəsini imzalayacaq...
Poliqon xəbər verir ki, bu barədə Ağ Evin saytında dərc olunan bəyanatda bildirilib. ABŞ prezidenti Ağ Evin təklif etdiyi layihəyə səs verən qanunvericilərə təşəkkür edib.
“Bu kritik qanun müttəfiqlərimizin yanında olduğumuz üçün millətimizi və dünyanı daha təhlükəsiz edəcəkQ, deyə Baydenin bəyanatında bildirilir.
Ukrayna prezidenti Vladimir Zelenski də ölkəsini dəstəkləməyə davam edən Senata və Amerika vətəndaşlarına təşəkkür edib.
“Mən prezident Baydenin dəstəyini də yüksək qiymətləndirirəm və qanun layihəsinin tezliklə imzalanmasını və növbəti hərbi yardım paketinin təqdim olunmasını səbirsizliklə gözləyirəm”, deyə Zelenski Telegram kanalında yazıb.
Qeyd edək ki, bu gün, aprelin 24-də ABŞ Senatı Nümayəndələr Palatasının ardınca Ukraynaya yardım üçün 61 milyard dollar nəzərdə tutan qanun layihəsini təsdiqləyib. Reuters-in məlumatına görə, ABŞ səlahiyyətliləri artıq Ukraynaya 1 milyard dollar məbləğində yeni yardım paketi hazırlayırlar. Pentaqon yardımın ilk partiyasının yaxın günlərdə göndəriləcəyini bildirib.
Poliqon.info
Digərxəbərlər
Populyar xəbərlər
