Olaf Şolts Böyük Britaniyanın Ukraynaya hərbi yardımının təfərrüatlarını açıqladıqdan sonra London Almaniya kanslerini kəşfiyyat məlumatlarından açıq-aşkar sui-istifadə etməkdə günahlandırılıb...
Poliqon xəbər verir ki, bu barədə The Independent nəşri yazıb.
Mətndən məlum olur ki, Olaf Şolts Britaniyanın "Storms Shadow" raketlərinin analoqu olan "Taurus" raketlərini Kiyevə göndərməyəcəyini bildirib və Böyük Britaniya və Fransanın Ukraynaya yardımına işarə edərək, ölkəsinin müharibədə birbaşa iştirak riskini qeyd edib.
"Bazar ertəsi o, alman əsgərlərinin Britaniya və Fransa müttəfiqlərindən nümunə götürə bilməyəcəyini söylədi", deyə məqalədə qeyd edilir.
Bundan sonra Britaniya İcmalar Palatasının müdafiə komitəsinin keçmiş sədri Tobias Ellvud deyib ki, Olaf Şoltsun sözləri kəşfiyyat məlumatından açıq-aşkar sui-istifadə adlandırıb
"Bu, Almaniyanın Ukraynanı öz uzaqmənzilli raket sistemi ilə silahlandırmaq istəməməsindən yayındırmaq üçün məqsədyönlü şəkildə hazırlanmış kəşfiyyat məlumatlarından açıq şəkildə sui-istifadədir", deyə İcmalar Palatasının müdafiə komitəsinin keçmiş sədri bildirib.
Onun fikrincə, Olaf Şoltsun arqumentindən şübhəsiz ki, Rusiya eskalasiya üçün istifadə edəcək.
Almaniya müxalifəti Olaf Şoltsun son bəyanatlarını məsuliyyətsizlik kimi qiymətləndirib. Sabiq kansler Angela Merkelin keçmiş hakim partiyası CDU-dan deputat olan Norbert Rottgen deyib: "Kanslerin Fransa və Britaniyanın Ukraynada istifadə edilən uzaqmənzilli qanadlı raketlərin istismarında iddia edilən iştirakı ilə bağlı bəyanatı tamamilə məsuliyyətsizlikdir".
Poliqon.info