Britaniya parlamentinin komitəsi hakimiyyəti “Vaqner” ÖHŞ-yə qarşı sanksiyaları sərtləşdirməyə çağırıb...
Poliqon xəbər verir ki, bu barədə Reuters Agentliyinin məlumatında bildirilir. Agentlik yazır ki, Britaniya parlamentinin İcmalar Palatasının Xarici Əlaqələr Komitəsi “Vaqner” ÖHŞ -nin fəaliyyəti ilə bağlı 82 səhifəlik hesabat dərc edib. Bu komitənin rəhbəri, mühafizəkar Alisiya Kerns krallıq hakimiyyətini bu özəl hərbi şirkətə qarşı sanksiyaları əhəmiyyətli dərəcədə sərtləşdirməyə çağırıb.
Reuters qeyd edir ki, komitənin hesabatı açıq mənbələrə istinadən yazılıb. Müəlliflər keçmiş “Vaqner” ÖHŞ zabitinin ifadəsindən də istifadə ediblər. Onun adı açıqlanmır.
Sənəddə bu strukturun eyni vaxtda yeddi ölkədə: Ukrayna, Suriya, Mərkəzi Afrika Respublikası, Sudan, Liviya, Mozambik və Malidə fəaliyyətinin təhlili verilir. Hesabatı təqdim edən Alicia Kearns bildirib ki, Böyük Britaniya hökuməti hələ “Vaqner” ÖHŞ ilə mübarizə üçün ardıcıl strategiya hazırlamayıb. Parlamentari hesab edir ki, bu, qruplaşmaya “münaqişələr və qeyri-sabitlik səbəbindən çətin vəziyyətdə olan ölkələri istismar etməyə” imkan verib.
Qeyd edək ki, Britaniya Xarici İşlər Nazirliyi hələ 2023-cü ilin fevralında “Vaqner Qrupu”nu terror təşkilatı kimi tanımaq planlarını açıqlamışdı.
Poliqon.info
Digərxəbərlər
Populyar xəbərlər
