Avropa banklarının ən nüfuzlu 40 nümayəndəsinin gizli toplantısı keçirilib

Poliqon xəbər verir ki, bu barədə Financial Times nəşri məlumat yayıb.

Məlumatda qeyd olunur ki, görüşü nüfuzlu, lakin az tanınan təşkilat - Beynəlxalq Bank Araşdırmaları İnstitutu (IIEB) təşkil edib. FT iddia edir ki, bu, avropalı maliyyəçilər üçün çox məxfi klubdur və burada bank rəhbərləri ölkə liderləri - krallar, prezidentlər, baş nazirlər, eləcə də mərkəzi bankların nümayəndələri ilə görüşür.

"Bu, hər kəsin üzvlük ala biləcəyi Davos deyil", deyə görüş iştirakçılarından biri bildirib.

IIEB Klubu 1950-ci ildə Parisdə Avropanın ən böyük banklarının rəhbərləri üçün birləşmə və satınalmalar və qlobal siyasətin qurulmasını müzakirə etmək üçün bir yer kimi yaradılıb. Tədbirlər lüks otellərdə və saraylarda keçirilir.

Klubun öz internet saytının olmadığı, iclas və sessiyaların mövzularının qeydə alınmadığı vurğulanır. İclas iştirakçılarına onun məzmunu barədə danışmamaq tövsiyə olunur.

Poliqon.info