ABŞ rəhbərliyi Amerikanın “Micron” şirkəti ilə bağlı Çin hakimiyyəti ilə əlaqə saxlayır və şirkət tərəfindən kibertəhlükəsizliyin pozulması ilə bağlı ittihamları rədd edir...
Poliqon xəbər verir ki, bu barədə Ağ Evin Milli Təhlükəsizlik Şurasının strateji kommunikasiyalar üzrə koordinatoru Con Kirbi brifinqdə bildirib.
“Biz bu məsələ ilə bağlı birbaşa Çinlə qarşılıqlı əlaqədəyik”, deyən Kirbi Çinin Amerika şirkətinə qarşı ittihamlarının əsassız olduğunu qeyd edib.
Qeyd edək ki, mayın 21-də Çinin Kiberməkan məslələrinin idarə olunması ilə bağlı departamenti məlumat verib ki, ABŞ-ın yarımkeçiricilər istehsal edən “Micron” müəssisəsi kibertəhlükəsizlik yoxlamasından keçə bilməyib və buna görə də ÇXR-də kritik informasiya infrastrukturunun operatorları “Micron” məhsullarını almağı dayandırıb.
Reuters Agentliyinin Çin üzrə xüsusi komitənin sədri Mayk Qallagerə istinadən verdiyi məlumata görə, buna cavab olaraq ABŞ Ticarət Nazirliyi Çinin ChangXin Memory Technologies (CXMT) şirkətini qara siyahıya salmalıdır. Çin Xarici İşlər Nazirliyi bu addımı diskriminasiya kimi qiymətləndirib.
Poliqon.info
Digərxəbərlər
Populyar xəbərlər
