Birləşmiş Ştatlar İranı “Sent Nicholas” neft tankerini və onun ekipajını dərhal azad etməyə çağırıb...
Poliqon xəbər verir ki, bunu Dövlət Departamentinin mətbuat xidmətinin rəis müavini Vedant Patel brifinqdə deyib.
“İran hökuməti gəmini və heyətini dərhal azad etməlidir”, deyə Dövlət Departamentinin rəsmisi bildirib. Patel gəminin ələ keçirilməsini qeyri-qanuni adlandırıb və həmçinin qeyd edib ki, İranın bu cür hərəkətləri beynəlxalq ticarəti pozmaq məqsədi daşıyır.
Eyni zamanda, Patel ABŞ və müttəfiqlərinin bu vəziyyətlə bağlı hansı addımlar ata biləcəyi sualına dəqiq cavab verməyib. Dövlət Departamentinin sözçüsü deyib:
“Biz İran rejiminin məsuliyyətə cəlb edilməsi üçün atılacaq müvafiq addımlar barədə regiondakı tərəfdaşlarımızla sıx məsləhətləşmələri davam etdirəcəyik”.
Poliqon.info