ABŞ Ermənistanda və Avrasiyanın digər dövlətlərində kiçik modul tipli nüvə reaktorlarının tikintisi imkanlarını nəzərdən keçirir...
Poliqon xəbər verir ki, bu barədə ABŞ hökumətinin Avropa və Avrasiyaya yardım proqramlarının koordinatoru Mariya Lonqi Konqresin Nümayəndələr Palatasının Xarici Əlaqələr Komitəsində keçirilən dinləmələrdə bildirib.
"Bir sıra ölkələrdə, o cümlədən Ermənistanda biz Amerika texnologiyasından istifadə etməklə tikiləcək və həm Rusiyadan, həm də Çindən daha böyük enerji müstəqilliyinə gətirib çıxara bilən kiçik modul nüvə reaktorlarının yaradılmasının mümkünlüyünü nəzərdən keçiririk", deyə o bildirib.
Mariya Lonqi bu planın detallarını açıqlamayıb.
Qeyd edək ki, Ümumdünya Nüvə Assosiasiyasının məlumatına görə, kiçik nüvə reaktorları elektrik enerjisi istehsalını daha ucuz başa gətirir, çünki onlar daha az təhlükəsizlik və soyutma sistemləri tələb edir.
Təşkilatın hesablamalarına görə, 2030-cu ilə qədər dünyada elektrik enerjisi üçün 40-dan 100-ə yaxın aşağı güclü reaktor tikiləcək. Assosiasiya 300 meqavatdan aşağı olan reaktorları kiçik hesab edir. Bir sıra Avropa şirkətləri və qurumları da uran batareyaları üzərində mikro-reaktorlar (təxminən 4 MVt) konsepsiyasını hazırlayır.
Poliqon.info
Digərxəbərlər
Populyar xəbərlər
