2022-ci maliyyə ilində ABŞ ATƏT-in Ukrayna ilə bağlı layihələrinə əlavə olaraq 3,1 milyon dollar töhfə verib və bu ölkədəki maraqları inkişaf etdirməyə yönəlib...
Poliqon xəbər veriur ki, bu barədə ABŞ Dövlət Departamentinin Baş Müfəttiş Ofisinin hesabatında deyilir.
Qeyd edilir ki, cəmi bir il ərzində Birləşmiş Ştatlar Ukrayna ilə bağlı layihələr üçün strukturun büdcəsinə 6,5 milyon dollar töhfə verib. Hesabatda bildirilir ki, icbari ödənişlərin məbləği 3,4 milyon dollar, könüllü ödənişlərin məbləği isə 3,1 milyon dollar təşkil edib.
"Resursların İdarə Edilməsi Şöbəsi ABŞ-ın maraqlarını, o cümlədən Ukraynada irəliləyiş əldə etməyə yönəlmiş ATƏT-in büdcədənkənar proqramlarına könüllü töhfələr vermək prosesinə rəhbərlik edib", deyə sənəddə qeyd edilir.
Vurğulanır ki, əlavə vəsait humanitar yardıma, böhran dövründə insan alverinin qarşısının alınmasına, Ukrayna ilə Rusiya arasında münaqişə nəticəsində ciddi insan hüquqları pozuntularının işıqlandırılmasına yönəlib.
Rusiya Elmlər Akademiyasının Təhlükəsizlik Araşdırmaları Mərkəzinin elmi işçisi Konstantin Bloxin hesab edir ki, ümumilikdə ABŞ-ın ATƏT çərçivəsində fəaliyyəti ölkənin siyasi kursuna uyğundur. O, ATƏT-in Qərbdən asılı bir qurum olduğunu, ondan geosiyasi məqsədlərə çatmaq üçün istifadə olunduğunu bəyan edib.
"Dövlətlərin ayırdığı pulla çox şey edə bilməzsən, amma onlar öz növbəsində "kosmetik" işləri gördülər", deyə Bloxin bildirib.
Poliqon.info
Digərxəbərlər
Populyar xəbərlər
