“Juniper Oak” adlanan təlim yanvarın 27-si cümə gününə qədər davam edəcək. Bu təlim ABŞ və İsrail hərbi qüvvələri arasında inteqrasiyanı nümayiş etdirmək və dərinləşdirmək məqsədi daşıyır...
Bazar ertəsi, yanvarın 23-də ABŞ və İsrail “bu günə qədər ən əhəmiyyətli birgə hərbi təlimə” başladılar. Təlimdə minlərlə hərbi qulluqçu, onlarla gəmi və 142 təyyarə, o cümlədən nüvə başlıqlı bombardmançı təyyarələr iştirak edir.
PİA.az xəbər verir ki, bu barədə Reuters Agentliyi məlumat yayıb.
““Juniper Oak” adlı təlim yanvarın 27-nə qədər davam edəcək və İranın nüvə proqramı ilə bağlı gərginlik fonunda ABŞ və İsrail hərbi qüvvələri arasında inteqrasiyanı nümayiş etdirmək və dərinləşdirmək məqsədi daşıyır”, deyə ABŞ müdafiə rəsmisi bildirib.
ABŞ rəsmisi qeyd edib ki, təlimlərin əhatə dairəsi bir sıra ssenariləri əhatə edir və İran özü üçün müəyyən dərslər çıxara bilər.
Təlimlərə çoxu ABŞ-ın George H.W. Bush təyyarədaşıyan gəmisindən olan 6400 ABŞ əsgəri və İsraildən təxminən 450 hərbçi döyüş atəşləri həyata keçirəcəklər.
Təlimlərdə B-52 strateji bombardmançıları ilə yanaşı, F-35, F-15, F-16, F-18 qırıcıları, eləcə də MQ-9 Reaper PUA-ları iştirak edir.
ABŞ Mərkəzi Komandanlığının komandanı general Maykl Kurillin sözlərinə görə, bu, “İsrailli tərəfdaşlarla quru, hava, dəniz, kosmos və kiber operativliyi təkmilləşdirən birləşmiş birgə inteqrasiya təlimidir”.
Bilditrilir ki, təlim üçün planlaşdırma bir neçə ay əvvəl, Benyamin Netanyahu baş nazirliyə qayıtmazdan əvvəl başlayıb.
pia.az