İspaniya daha əvvəl elan edilmiş 1,13 milyard avro (1,23 milyard dollar) dəyərində silah paketi çərçivəsində Ukraynaya "Patriot" raketləri və "Leopard" tankları göndərməyi planlaşdırır...
Poliqon bu barədə Reuters Agentliyinə istinadən xəbər verir.
Qeyd olunur ki, İspaniya Ukraynaya onlarla kritik "Patriot" zenit-raket kompleksi və Almaniya istehsalı olan 19 istifadə edilmiş "Leopard 2A4" tankı, həmçinin İspaniya istehsalı olan digər silahlar, məsələn, pilotsuz uçuş aparatları və döyüş sursatları verəcək.
Yeni silah öhdəlikləri Ukrayna prezidenti Volodimir Zelenskinin mayın 27-də baş nazir Pedro Sançes və Kral Felipe ilə görüşəcəyi Madridə rəsmi səfəri zamanı açıqlanacaq.
Paketin dəyəri keçən ay hökumət tərəfindən təsdiqlənsə də, hansı silahların daxil olduğu dəqiqləşdirilməyib.
Bundan əvvəl UNIAN yazıb ki, İspaniya Ukraynaya yeni hərbi yardım paketi ayırdığını elan edib. Buraya "Leopard" tankları və döyüş sursatları daxil olacaq. Çatdırılma iyunun sonunda baş tutmalıdır.
Poliqon.info
Digərxəbərlər
Populyar xəbərlər
