Ukrayna prezidentinin aparat rəhbərinin müşaviri Mixail Podolyak “Moskva Siti” kompleksinə gecə hücumunu şərh edərkən, Rusiya ərazisinə pilotsuz təyyarələrin hücumlarının daha tez-tez baş verəcəyini bildirib...
Poliqon xəbər verir ki, Ukrayna rəsmisi müharibənin artıq öz müəlliflərinin ərazisinə keçdiyini deyib.
“Moskva tez bir zamanda tamhüquqlu müharibəyə alışır, nəhayət, bütün borclarını onlardan almaq üçün müharibə öz müəlliflərinin ərazisinə keçəcək... Rusiyada bundan sonra baş verəcək hər şey obyektiv tarixi prosesdir. Daha çox naməlum pilotsuz təyyarələr, daha çox dağılma, daha çox vətəndaş qarşıdurması, daha çox müharibə”, deyə Podolyak bildirib.
Avqustun 1-nə keçən gecə Moskva dronların hücumuna məruz qalıb. Rusiya Müdafiə Nazirliyinin məlumatına görə, hücumda ümumilikdə üç PUA-dan istifadə edilib. Moskva vilayətinin Odintsovo və Naro-Fominsk rayonlarında iki cihaz hava hücumundan müdafiə sistemləri tərəfindən ələ keçirilib.
Moskva şəhərində IQ kvartalının binasında Rəqəmsal İnkişaf Nazirliyinin, İqtisadiyyat Nazirliyinin, Sənaye və Ticarət Nazirliyinin, Federal Akkreditasiya Xidmətinin və Rusiya Kənd Təsərrüfatı Bankının ofisləri yerləşir.
Poliqon.info