Prezident Vladimir Zelenski hesab edir ki, Ukraynada hərbi vəziyyətdə seçki keçirilməsi ABŞ-dan gələn dəstəyi parçalaya bilər...
Ukrayna dövlət başçısı seçki keçirmək istədiyini, lakin döyüşlərdə iştirak edən hərbçilərin iştirak edə bilməyəcəyi üçün bunun əleyhinə olduğunu bildirib.
Poliqon xəbər verir ki, Zelenski ukraynalı jurnalist Natalya Moseyçuka müsahibəsində seçkilərlə bağlı fikirlərini bildirib. Prezident qeyd edib ki, seçkinin müharibə şəraitində keçirilməsi qanunla mümkün deyil. Prezidentin özü hesab edir ki, səsvermə yalnız bütün ukraynalıların iştirak edə bildiyi halda mümkündür.
“Bu seçkinicəmiyyət etmək üçündür. Xalqımız parçalanmasın deyə lazımdır. Ancaq bu seçkilərdə bu gün ön cəbhədə olan hərbiçilər də iştirak etməlidir. Onlar da səsə verməlidirlər. Onlar bu gün səngərdə demokratiyanı müdafiə edirlər və müharibəyə görə onlara bu imkanı verməmək ədalətli deyil. Mən yalnız buna görə seçkilərin əleyhinə olmuşam”, deyə dövlət başçısı bildirib.
Ukraynada hərbi vəziyyət rejimi 2022-ci ilin fevral ayının sonundan, Rusiyanın bu ölkəni işğal etmək üçün qoşun yeritdiyi vaxtdan qüvvədədir. Ali Radaya seçkilər oktyabrın sonunda keçirilməlidir, lakin hərbi vəziyyətə görə baş tutmayacaq. Prezident seçkiləri 2024-cü ilin yazında keçirilməlidir.
Poliqon.info