Zaporojye vilayətinin işğal olunmuş ərazilərində ruslar bütün taksi sürücülərini sentyabrın 1-dək Rusiyanın pasportlarını və sürücülük vəsiqələrini almağa məcbur edir...
Poliqon xəbər verir ki, bu barədə Zaporojye Milli Müqavimət Mərkəzi məlumat yayıb.
“Bütün sürücülər düşmən sürücülük vəsiqəsi almalıdırlar və bunun üçün qırmızı pasport da almaq lazımdır. Əks halda, onların lisenziyası ləğv edilməklə hədələnir və taksi parkının operatorları belə sürücüləri işdən çıxarmalıdırlar”, deyə məlumatda bildirilir.
Qeyd olunur ki, ruslar faktiki olaraq ələ keçirilən ərazilərdə bütün nəqliyyat vasitələrinin və onların sahiblərinin “inventarlaşdırılması”nı aparmaq istəyir. Eyni zamanda, taksi sahibi texniki baxışdan keçmək üçün Rusiya vətəndaşının pasportunu göstərməlidir.
Poliqon.info