Zalujnı general Milli ilə danışıqlar aparıb...

Ukrayna Silahlı Qüvvələrinin Ali Baş Komandanı Valeri Zalujnı və ABŞ-ın Birləşmiş Qərargah Rəisləri Komitəsinin sədri Mark Milli Ukraynaya sursat və texnikanın tədarükü məsələsini müzakirə ediblər.

Poliqon Unian nəşrinə istinadən xəbər veriri ki, bu barədə Zalujnı Telegram kanalında yazıb. Zalujnı bildirib ki, telefon danışığı zamanı qoşunların şəxsi heyətilə təmin olunması və Ukraynaya kifayət qədər miqdarda silah, hərbi texnika və sursatların vaxtında çatdırılmasının vacibliyi mövzusuna toxunub.

Ukrayna Silahlı Qüvvələrinin Ali Baş Komandanı qeyd edib ki, cəbhənin bütün sahələrində vəziyyət barədə Milliyə məlumat verib.

“Vəziyyət çətin, lakin nəzarət altındadır. Ən şiddətli döyüşlər Baxmut, Avdeevka və Marinkada davam edir, burada düşmən öz səylərini hücum əməliyyatlarına yönəltməkdə davam edir", deyə Zalujnı yazıb.

Ukrayna Silahlı Qüvvələrinin Ali Baş Komandanı Rusiya strateji aviasiyasının raket zərbələri və cəbhəboyu zonada mülki hədəflərin hər gün idarə olunan bombalarla bombalanmasına da münasibət bildirib. O, həmçinin hava hücumundan müdafiə sisteminin imkanlarının gücləndirilməsinin vacibliyini qeyd edib.

Poliqon.info