Tacikistanda yük maşınının evlərə və digər avtomobillərə çırpılması nəticəsində 10 nəfər ölüb...
Tacikistanın Kulyab şəhərində yük maşını digər avtomobillərə və yaşayış binalarına çırpılıb.
Poliqon TASS Agentliyinə istinadən xəbər erir ki, hadisə nəticəsində 10 nəfər ölüb, 14 nəfər xəsarət alaraq xəstəxanaya yerləşdirilib.
Hadisə avqustun 6-da axşam saatlarında Düşənbə-Kulyab-Xoroq avtomobil yolunda baş verib. bu barədə Tacikistan Daxili İşlər Nazirliyi qurbanların sayını açıqlamadan məlumat verib. Onun sözlərinə görə, qəzaya səbəb əyləc nasazlığı olub. Daha sonra prezident yanında Fövqəladə Hallar Komitəsi TASS-a ölənlərin və yaralananların sayını açıqlayıb.
Faktla bağlı cinayət işi başlanıb və ilkin araşdırma aparılır. Prezident Emoməli Rəhmon Daxili İşlər Nazirliyinin, Səhiyyə Nazirliyinin, hökumət yanında Fövqəladə Hallar Komitəsinin rəhbərlərini, Xatlon vilayətinin sədrini hadisə yerinə göndərib.
Poliqon.info
Digərxəbərlər
Populyar xəbərlər
