Serbiya lideri Qərbin böyük təzyiqindən asılı olmayaraq, Serb Respublikasına lazım olan dəstəyi verməyə davam edəcəyini bildirib...
Serbiya heç vaxt Serb Respublikasına (Bosniya və Herseqovinada suveren ölkəni təşkil edən iki siyasi qurumlardan biri - ikincisi Bosniya və Herseqovina Federasiyasıdır) arxa çevirməyəcək.
Poliqon xəbər verir ki, bunu Serbiya prezidenti Aleksandar Vuçiç bildirib.
“Güclü xarici təzyiqlər nəticəsində yaranan çətin bir məqamda Serbiya Serb Respublikasına arxa çevirə bilməz, haqqı yoxdur, etməməlidir və etməyəcək. Nə olursa olsun, biz başa düşürük ki, Serbiyanın üzərinə əlavə yük düşür, amma biz geri çəkilməyəcəyik”, deyə Vuçiç bildirib.
Öz növbəsində, Serb Respublikası Prezidenti Milorad Dodik qeyd edib ki, serblərə əlavə təzyiqlər Qərb təbliğatı ilə həyata keçirilir və bu, digər şeylərlə yanaşı, Qərbi Balkanlar regionunda “Rusiyanın təsiri” və “pis serblər” haqqında fikirləri yayır.
İyulun sonlarında ABŞ administrasiyası Serb Respublikası rəhbərliyinin dörd üzvünə - Milli Assambleyanın (parlament) sədri Nenad Stevandiçə, baş nazir Radovan Viskoviçə, Bosniya və Herseqovina prezidentliyinin üzvü Zelka Çviyanoviçə və qurumun ədliyyə naziri Miloşkeloviçə sanksiya tətbiq edib. Onların hamısı, Bosniya və Herseqovina Konstitusiyasını pozmaqda ittiham olunur.
Serbiyanın Təhlükəsizlik İnformasiya Agentliyinin direktoru Aleksandar Vulin də ABŞ-ın “qara siyahısı”na düşüb. Vaşinqton iddia edir ki, bu addım ABŞ-ın “Qərbi Balkanlarda sülh və sabitlik bahasına öz siyasi gündəmlərini və şəxsi mənfəətlərini davam etdirənləri və Rusiyanın Serbiya və regionda bədxah fəaliyyətlərini inkişaf etdirənləri məsuliyyətə cəlb etmək” əzmini vurğulayır.
Poliqon.info
Digərxəbərlər
Populyar xəbərlər
