Viktor Orban: Macarıstanın Aİ adından Ukrayna ilə bağlı danışıqlar aparmaq mandatı yoxdur...

Poliqon xəbər verir ki, bunu Macarıstanın baş naziri Viktor Orban deyib.

"Bir daha aydınlıq gətirim, Macarıstanın sədrliyi Avropa İttifaqı adından danışıqlar üçün mandat vermir, lakin biz hansı tərəfin hara getməyə hazır olduğunu öyrənə bilərik və öyrəndikdən sonra Avropa İttifaqı liderləri qərar qəbul edə bilər. Liderlərin birlikdə qərarlarından sonra danışıqlar aparmaq mümkün olacaq, təəssüf ki, biz hələ də bundan uzağıq", Orban qeyd edib.

Macarıstanın "kifayət qədər çəkisi yoxdur" deyən ölkənin baş naziri, Budapeştin hər iki tərəfi atəşkəs və sülh danışıqları olacaq "uzun bir yola" təşviq edə biləcəyinə əminliyini ifadə edib.

Xatırladaq ki, Macarıstan hazırda Aİ Şurasına sədrlik edir. İyulin 2-də Macarıstanın baş naziri Viktor Orban Kiyevə səfər edib və onun yaxın vaxtlarda Moskvaya səfər edəcəyi barədə də mətbuatda xəbərlər yayıb. Onun Moskvaya səfər edəcəyi və Vladimir Putinlə də görüşəcəyi deyilir.

Avropa İttifaqı Şurasında səlahiyyətlərini başa vuran Şarl Mişel bildirib ki, Macarıstanın Avropa İttifaqı adından Rusiya ilə danışmaq səlahiyyəti yoxdur. O, həmçinin qeyd edib ki, Ukrayna ilə bağlı heç bir müzakirə Kiyevsiz keçə bilməz.

Poliqon.info