Macarıstanın Baş naziri Viktor Orban 1956-cı il antisovet qiyamının ildönümünə həsr olunmuş çıxışı zamanı bildirib ki, Avropa İttifaqının təzyiqləri Sovet hakimiyyətinin hərəkətlərini xatırladır...
Poliqon xəbər verir ki, bu barədə The Washington Post qəzeti məlumat yayıb.
Orban qeyd edib ki, bu gün bəzi hadisələr Sovet dövrünü xatırladır, tarix bəzən təkrarlanır. Orban iddia edir ki, Brüssel Macarıstana liberal demokratiya modelini tətbiq etməyə çalışır, o, bunu rədd edir. Baş nazir bundan əvvəl "liberal olmayan dövlət" yaratmaq məqsədindən danışıb və digər Qərb ölkələrini, o cümlədən Avropa İttifaqının rəhbərliyini tənqid edib.
"Şükürlər olsun ki, bir vaxtlar faciə olan şey indi ən yaxşı halda komediyaya çevrilib. Brüssel Moskva deyil. Moskva faciə idi. Brüssel sadəcə olaraq pis müasir parodiyadır", deyə siyasətçi bildirib.
Macarıstanda sovetyönlü rejimə qarşı üsyan 1956-cı il oktyabrın 23-də başlayıb və noyabrın ortalarına kimi Sovet qoşunları tərəfindən tamamilə yatırılıb. Eyni zamanda, BMT Baş Assambleyası SSRİ-ni Macarıstana silahlı hücumları və onun daxili işlərinə qarışmağı dayandırmağa çağıran qətnamələr qəbul edib.
Rusiya prezidenti Vladimir Putin 2023-cü ilin sentyabrında Sovet qoşunlarının Macarıstan ərazisinə daxil olmasının səhv olduğunu etiraf edib və SSRİ-nin 1956-cı ildə Macarıstana, 1968-ci ildə Çexoslovakiyaya tanklar yeritməklə özünü müstəmləkəçi kimi apardığını bildirib.
Poliqon.info
Digərxəbərlər
Populyar xəbərlər
