Venesuelanın müdafiə naziri mübahisəli Essequibo bölgəsini idarə etmək planlarını açıqlayıb...
Venesuela Müdafiə Nazirliyinin rəhbəri: “Ordu Essequibonun idarə olunmasına cəlb olunacaq”.
Venesuela ordusu Qayana ilə mübahisəli olan Essequibo bölgəsinin idarə edilməsinə cəlb olunacaq və bu məqsədi həyata keçirmək üçün artıq iş aparılır.
Poliqon TASS Agentliyinə istinadən xəbər verir ki, bunu Venesuelanın müdafiə naziri Vladimir Padrino Lopes deyib. Padrino Lopes bu barədə general-mayor Aleksis Rodriges Kabello ilə görüşü zamanı müvafiq bəyanatla çıxış edib
“Biz vahid hökumət və silahlı qüvvələrin bir orqanı olaraq yaxından işləyəcəyik və bu sektorda artıq yerləşdirilmiş bütün logistik imkanlarımızdan və insan resurslarımızdan istifadə edəcəyik. İstirahət yoxdur, fasilə yoxdur, biz hamımız Guyana-Essequibo üçün birlikdə çalışırıq”, deyə nazir bildirib.
Venesuela prezidenti Nikolas Maduro “Qayana-Essekibonun yeganə lideri” təyin edilib.
Xatırladaq ki, bundan əvvəl Maduro Federal Hökumət Şurasının iclası zamanı ona faktiki olaraq qonşu Qayana ərazisi olan Essequibo regionunun daxil olduğu xəritəni göstərib. Venesuelanın yeni 24-cü ştatı “Qayana-Essequibo” adlandırılıb. Maduronun sözlərinə görə, xəritənin ölkənin təhsil müəssisələrində yayılması planlaşdırılır.
Poliqon.info