Vaşinqton Tehrana qarşı yeni sanksiyalar üzərində işləyir

Poliqon xəbər verir ki, bunu Bloomberg Agentliyinə Dövlət Departamentinin enerji təhlükəsizliyi üzrə baş məsləhətçisi Amos Hohşteyn deyib.

San-Fransiskoda keçirilən Asiya-Sakit Okean İqtisadi Əməkdaşlıq Təşkilatının sammiti çərçivəsində Hohşteyn Bloomberg-ə deyib: “Biz bu sanksiyaları tətbiq edəcəyik”.

Dövlət Departamentinin rəsmisi əlavə edib ki, İranın neft ixracı sutkada 1 milyon bareldən çoxdur və bu hasilat azalmalıdır.

Bloomberg qeyd edir ki, Hohşteynin bu sözləri ABŞ-ın HƏMAS-ın İsrailə hücumundan və Tehranın Fələstin tərəfinə dəstəyindən sonra İran neftinin ixracına məhdudiyyətləri sərtləşdirə biləcəyi ilə bağlı fərziyyələr fonunda səslənib.

Poliqon.info