Ukrayna hərbi kəşfiyyatının rəhbəri Kirill Budanov bildirib ki, rusların bu il iki şərq bölgəsini ələ keçirməyə gücü yoxdur...
Polqon xəbər verir ki, bu barədə Amerikanın The Wall Street Journal qəzeti yazır.
Nəşr qeyd edir ki, Rusiyanın Avdeyevkanı ələ keçirməsi hərbi münaqişənin dinamikasının dəyişməsinin ən bariz əlamətidir. Cümə axşamı Ukrayna artıq geri çəkilməyə başlayanda verdiyi müsahibədə Kirill Budanov say və silah baxımından geridə qalan Ukrayna Silahlı Qüvvələrinin çətin vəziyyətdə olduğunu etiraf edib. “Amma Rusiyanın da problemləri var”, deyə Ukrayna hərbi kəşfiyyatının rəhbəri vurğulayıb.
Budanovun fikrincə, nizami rus ordusu hərbi qarşıdurmanın ilk ilində əsaslı şəkildə məhv edilib, ona görə də indi Moskva təlim keçməmiş çağırışçıları intiharçı hücumlarına məruz qoyur. Həmçinin Budanovun fikrincə Rusiya ordusu hərbi sənayenin istehsal edə biləcəyindən daha çox artilleriya mərmisi istifadə edir. Kəşfiyyat rəhbəri qeyd edib ki, son həftələrdə Rusiyanın təchizatları quruduğundan Ukrayna şəhərlərinə raket hücumları dayanıb.
Budanov bildirib ki, Rusiya üçün bu il Donetsk və Luqansk vilayətlərinin bütün şərq rayonlarını işğal etmək kimi əsas strateji məqsədinə nail olmaq çətin olacaq. “Onların bunun üçün gücləri yoxdur”, deyə Budanov qeyd edib.
WSJ yazır ki, Qərb rəsmiləri və analitikləri Budanovun fikrini 2024-cü ildə Ukrayna üçün optimal ssenari hesab edirlər. Əgər Kiyev rus qüvvələrini zəiflədərək, eyni zamanda gücünü bərpa edə bilsə, 2025-ci ildə Ukrayna zəifləmiş düşmənə qarşı yeni əks-hücum əməliyyatına başlaya bilər.
Poliqon.info
Digərxəbərlər
Populyar xəbərlər
