Üç ay əvvəl hökm oxunan zabitlər azadlığa buraxıldılar

“Qafqazinfo”nun əldə etdiyi məlumata görə, Bakı Apellyasiya Məhkəməsi belə qərar qəbul edib.

Üç ay əvvəl Bakı Hərbi Məhkəməsinin hökmü ilə nüfuz alverində təqsirləndirilən zabitlər - Savalan Rəsulov 3 il 6 ay, Fərid İsmayılov 3 il müddətinə azadlıqdan məhrum edilmişdi. İttihama görə, sözügedən zabitlər hərbi həkim komissiyasının üzvlərinin qərar qəbul etmələrinə qanunsuz təsir edib, çağırışçıların xidmətdən yayınmaları müqabilində ümumilikdə 67 min manat pul alıblar.

Müttəhimlər hökmlə razılaşmayıb, apellyasiya şikayəti veriblər. Şikayəti Həsən Əhmədovun sədrlik etdiyi hakimlər heyəti araşdırıb. Yuxarı instansiya məhkəməsinin hakimləri istintaq materialları ilə tanış olduqdan sonra təqsirləndirilən şəxslərin həbsdə qalmasına zərurət olmadığı qənaətinə gəliblər.

Qərara əsasən, S.Rəsulov və F.İsmayılov 9 min manat cərimə cəzasına məhkum edilib. Zabitlər hər ikisi məhkəmə zalında həbsdən azad ediliblər

Poliqon.info