Türkiyə tezliklə”"böyük neft xəbərləri”ni açıqlayacaq

Poliqon xəbər verir ki, bu barədə Türkiyənin Milliyet qəzeti məlumat yayıb. Qeyd edilir ki, Türkiyənin energetika naziri Fatih Dönməz neftlə bağlı “böyük xəbər”i tezliklə açıqlayacağını bildirib.

“Çox yaxında biz neftlə bağlı böyük xəbəri açıqlaya biləcəyik”, deyə nazir bildirib.

Lakin Fatih Dönməz Türkiyədə yeni neft yatağının tapılıb-tapılması ilə bağlı, əgər tapılıbsa, harada tapılıb, yatağın ehtiyatlarının nədən ibarət olması barədə heç bir şey deməyib.

Qeyd edək ki, dekabrda Türkiyə prezidenti Rəcəb Tayyib Ərdoğan ölkənin cənub-şərqində Mardin vilayətində 150 milyon barel ehtiyata malik neft yatağının aşkar edildiyini açıqlamışdı. Onun sözlərinə görə, bu, 2022-ci ildə kəşf edilən ən böyük yataqlardan biridir və ehtiyat dəyəri təqribən 12 milyard dollar həcmindədir.

Poliqon.info