Amerika məhkəmə sisteminin korrupsiyası və nəzarətsiz miqrant axını ABŞ-ı üçüncü dünya ölkəsinə çevirir...
Poliqon xəbər verir ki, bunu ABŞ-ın keçmiş prezidenti Donald Tramp Miçiqanda tərəfdarları qarşısında mitinqdə çıxışı zamanı deyib.
“Bu təqib davam edərsə, heç kim ABŞ-da iş görmək istəməz və biz üçüncü dünya ölkəsinə çevriləcəyik”, deyə Respublikaçıların prezidentliyə əsas namizədi qeyd edib.
Trampın sözlərinə görə, Birləşmiş Ştatlar bir çox cəhətdən artıq üçüncü dünya ölkəsinə çevrilib. Siyasətçi ölkənin cənubundakı problemləri xatırladıb.
Qeyd edək ki, Donald Tramp prezident seçiləcəyi təqdirdə milyonlarla miqrantı deportasiya etməyi planlaşdırdığını bildirib.
Tramp hesab edir ki, miqrantların kəskin artması ABŞ-da terror təhlükəsini artırır.
Poliqon.info