“2020-ci ildə keçiriləcək prezident seçkiləri öncəsində hələ ki hansısa intriqadan bəhs etmək çətindir. Lakin səsvermənin nəticəsi indidən bəllidir”
Belə bir iddia “The New York Times” qəzetinin köşə yazarı, Kristofer Nyuport universitetini siyasi elmlər üzrə professoru Reyçel Baytkoferin yazısında yer alıb. Müəllifin fikrincə, amerikalıların siyasi davranışında baş verən dəyişikliklər seçkilərin nəticələrini qabaqcadan bilməyə imkan verir.
Ekspert siyasi elektoratın davranışında daha bir xüsusiyyətə-“qarşı tərəfə nifrət” faktoruna diqqət yetirməyi məsələhət görür. Bu cür seçicilər hansısa namizədi və ya partiyanı onlara olan rəğbətlərindən dolayı deyil, müxalif gördüyü şəxs və ya təşkilata hədsiz nifrətinə görə dəstəkləyir. Baytkofer bu cür situasiyanın Demokrat partiyasına daha çox sərf etdiyini düşünür. Bütün bunlar onların 2018-ci ildə, parlament seçkilərində qazandığı uğurlarını 2020-ci il prezidentt seçkilərinə daşıyacağını göstərir.
Amerikalı professor Donald Trampın seçki yarışı öncəsində öz elektoral əsasını artırmaqla bağlı cəhdlərinin qarşı tərəfi də gücləndirəcəyini bildirib.
“Tramp administrasiyasından gələn qorxu ilə hərəkət edən seçicilər demokratların əsas özülünü təşkil edir. Bunlar hazırkı prezidentin qalib gəlməsindən sonra peyda olublar və Donald Tramp vəzifədə qalana qədər öz mövcudluqlarını qoruyub saxlayacaqlar”,- deyə məqalənin sonunda yazılıb. (Musavat.com)
pia.az
Digərxəbərlər
Populyar xəbərlər
