Tehrandan yəhudi icmasına təhdid - İran yəhudiləri ani-İsrail yürüşlərinə niyə qoşulub?..

İran İslam Respublikası ölkənin kiçik yəhudi icmasına təzyiq edir ki, cümə günü Pesax bayramının sonunu qeyd etməsinlər və bunun əvəzinə, İsrailin məhv edilməsini tələb edən illik anti-İsrail “əl-Qüds günü” nümayişində iştirak etsinlər.

Poliqon xəbər verir ki, bu barədə The Jerusalem Post qəzeti yazıb.

Yerusəlim Strategiya və Təhlükəsizlik İnstitutunun İran üzrə eksperti Beni Sabti bazar günü The Jerusalem Post qəzetinə deyib ki, İranda yəhudi icmasına qarşı səssiz təzyiq var. Sabti qeyd edib ki, hamı bu rejimdə öz rolunu bilir və əgər rejim yönəticiləri İranda yaşayan yəhudilərə deyib ki, “Qüds günü” yürüşündə iştirak etsəniz, rejim onlara zərər verməyəcək”.

Tehranda anadan olan və farsca səlis danışan Səbti əlavə edib: “Bununla İran rejimi yəhudilərə çatdırıb ki, əgər nümayişlərdə etdirməsələr, zərər görəcəklər”.

Sabtinin sözlərinə görə İran yəhudi icması totalitar İslam dövlətində “sağ qalmaq” üçün “Qüds Günü” nümayişinə dəstək nümayiş etdirməlidir. O, qeyd edib ki, bir çox iranlı yəhudi rejimin təzyiqlərindən zərər görür və “Qüds günü” nümayişində iştirak etməklə daha böyük təhlükələrdən qaçırlar.

Poliqon.info