Əfqanıstana nəzarət edən Taliban ölkədə siyasi partiyaların fəaliyyətinə tam qadağa qoyub...
Poliqon xəbər verir ki, Talibanın ədliyyə naziri Əbdül Hakim Şərai “Hökumətin xalq qarşısında cavabdehliyi” televiziya proqramında çıxış edərək ölkədə partiyaların siyasi fəaliyyətinin tamamilə qadağan olunduğunu bildirib. Bu barədə Aamaj News Agentliyi məlumat yayıb.
“Siyasi partiyaların fəaliyyətinin şəriət əsası yoxdur, onlar millətin və xalqın maraqlarına cavab vermir”, deyə Şarayi bildirib.
Qeyd edək ki, Taliban Əfqanıstanda hakimiyyəti ələ keçirməzdən əvvəl ölkənin Ədliyyə Nazirliyində qeydiyyatdan keçmiş 73 siyasi partiya olub. Taliban hakimiyyətə gəldikdən sonra siyasi partiya liderlərinin əksəriyyəti ölkəni tərk edib və hazırda başqa ölkələrdə yaşayır.
Xatırladaq ki, Taliban 2021-ci ilin avqustunda ABŞ qoşunlarnın bu ölkəni tələsik tərk etməsindən sonra Əfqanıstanı ələ keçirib. İndiyədək Taliban hökuməti dünyanın heç bir ölkəsi tərəfindən rəsmən tanınmayıb və onların liderləri BMT-nin sanksiya siyahısındadır.
Poliqon.info
Digərxəbərlər
Populyar xəbərlər
