Şotlandiyanın birinci naziri və Şotlandiya Milli Partiyasının (SNP) lideri Həmzə Yusif istefasını elan etməyi planlaşdırır...
Poliqon xəbər verir ki, bu barədə The Times nəşri mənbələrə istinadən məlumat yayıb. Qəzetin yazdığına görə, ölkə hökuməti ona etimadsızlıq göstərə bilər.
Qəzetinin yazdığına görə, Yusif həftə sonu vəzifəsini tərk etmək qərarına gəlib və SNP-nin yüksək səviyyəli üzvləri bu barədə artıq məlumatlandırılıblar. Qəzetin mənbələri qeyd edib ki, birinci nazir parlamentin etimadsızlıq votumunu qəbul etməyə hazır olmadığı üçün şəxsi səbəblərdən vəzifəsini tərk etmək istəyir. SNP üzvü Con Svinni müvəqqəti olaraq onun yerini tuta bilər.
Qeyd edilir ki, SNP və Yaşıllar partiyası arasında kolasiya bölgüsü sazişinin imzalanması prosesinin dayandırılması qərarından sonra Həmzə Yusifin vəziyyəti daha da pisləşib. Yusif Şotlandiyanı azlıq höküməti kimi idarə etməyə hazır olduğunu açıqlasada, buna cavab olaraq bir neçə partiya Yusifə etimadsızlıq səsverməsi keçirməyi qərara alıb.
Xatırladaq ki, Həmzə Yusif 2023-cü ilin martında Şotlandiyanın birinci naziri vəzifəsini icra edib. Yusif Şotlandiyanın Cənubi Asiya kökləri olan ilk müsəlman lideri olub. Yusif Şotlandiyanın Böyük Britaniyanın tərkibindən çıxmağın tərəfdarı olub.
Poliqon.info
Digərxəbərlər
Populyar xəbərlər
