Avropa İtifaqı ölkəsində sentyabrın 30-da keçiriləcək parlament seçkilərindən əvvəl rəy sorğularına NATO blokunun genişlənməsinə və ultra-liberal dəyərlərə qarşı çıxan Rusiyayönlü Smer Sosial Demokrat Partiyası liderlik edir...
Poliqon xəbər verir ki, AKO sosioloji xidmətinin məlumatına əsasən, favorit 19,4% reytinqlə Smer Sosial Demokrat Partiyasıdır. Onun rəhbəri keçmiş baş nazir Robert Fikodur. O, Ukraynaya silah tədarükünə və onun Şimali Atlantika Alyansına daxil olmasına qarşıdır.
İkinci yerdə Kiyevə dəstəyə sadiq qalan hazırkı prezident Zuzana Çaputovanın Tərəqqiçi Slovakiya Partiyası qərarlaşıb. Seçicilərin 18,2%-i onun partiyasını dəstəkləyir.
Digər Avropayönümlü partiya “Qolos” hələlik 15,1% səs alır. Ona keçmiş baş nazir Peter Pelleqrini rəhbərlik edir. Peter Pelleqrini Robert Fikonun keçmiş müttəfiqidir.
Rusiya Dövlət Humanitar Universitetinin dosenti, Slovakiya üzrə mütəxəssis Vadim Truxaçev RİA Novosti-yə şərhində bildirib ki, Smer Sosial Demokrat Partiyası qalib gəlsə belə, yenə də parlamentdə çoxluğu əldə etməyəcək. Onun sözlərinə görə, “Qolos” bu partiya ilə əməkdaşlıq etməyəcək.
“Avropa İttifaqının 2/3-nin Rusiya tərəfdarı olan hökumətə ehtiyacı yoxdur. “Qolos” liberallar və mühafizəkarlarla razılığa gələcək”, deyə Vadim Truxaçev bildirib.
Poliqon.info