Dekabrın 19-da Slovakiyanın bir sıra şəhərlərində hökumət əleyhinə mitinqlər keçirilib...
Poliqon TASS Agentliyinə istinadən xəbər verir ki, etiraz aksiyalarını müxalifət partiyaları təşkil edib və buna səbəb hökumətin xüsusi prokurorluğun ləğvi ilə bağlı qərarı olub. Qeyd edilir ki, xüsusi prokurorluq siyasətçilərlə bağlı bir sıra səs-küylü işləri araşdırıb.
Yerli KİV-in məlumatına görə, etirazlarda minlərlə insan iştirak edib. Aksiya iştirakçıları həmçinin hökumətin yanvar ayından qüvvəyə minən dövlət büdcəsindən qənaətlə bağlı tədbirlərinə etiraz ediblər, çünki vətəndaşlar bunun həyat səviyyəsinin aşağı düşməsinə səbəb olacağından ehtiyat edirlər.
Mitinqlərin ən böyüyü Bratislavada keçirilib. Onun iştirakçıları Slovakiya Milli üsyan meydanına çıxıblar. Həbslər və itkilər barədə məlumat yoxdur.
Qeyd edək ki, oktyabrdan Slovakiya hökumətinə Robert Fiko başçılıq edir. Fiko iddia edir ki, Xüsusi Prokurorluqfəaliyyəti vətəndaşların hüquqlarını pozub, həmçinin səlahiyyətlərindən sui-istifadə edib. Slovakiya prezidenti Zuzana Çaputova da departamentin ləğvinin əleyhinə çıxış edib. Prezident qurumun ləğvinə Konstitusiya Məhkəməsində etiraz etmək imkanını nəzərdən keçirir.
Poliqon.info