Slovakiya parlamenti ölkə qanunvericiliyinə düzəlişi dəstəkləyib və Müdafiə Nazirliyinə silah ixracı və tədarükünü təsdiqləməyə icazə verib...
Poliqon Politico nəşrinə istinadən xəbər verir ki, bununla Slovakiyanın dövlət və özəl silah şirkətlərinin Ukraynaya hərbi yardım göstərməsinə yol açılıb. Nəşr Ukraynanın maraqları naminə silah ixracına qoyulan qadağanın götürüldüyünü yazır.
“Hakim “Smer” partiyanın arxasında duran müdafiə sektorundakı oliqarxlar öz məhsullarını Ukraynada satmaq fürsətindən çox faydalanırlar və onların silah tədarükünü davam etdirəcəkləri aydın idi”, deyə Slovakiyanın əvvəlki hökumət dövründə müdafiə naziri Yaroslav Nad parlamentin qərarını Politico-ya izah edib.
Keçmiş müdafiə nazirinin sözlərinə görə, Baş nazir Robert Fikonun və “Smer” partiyasının liderinin Ukraynaya silah idxalına qadağa qoyulması ilə bağlı tədbirləri yalnız seçkilər öncəsi partiyanın elektoratını artırmaq üçün populist məqsədlərdən ibarət idi.
“İndi Slovakiyanın büdcəsinin doldurulması məsələsi Fikonun seçki vədləri və bəyanatlarından daha aktualdır”, deyə Nad vurğulayıb.
Poliqon.info