Kim Çen Inın bacısı yeni raketlərinin imkanlarının tezliklə nümayiş etdiriləcəyini deyib...
PİA.az xarici mətbuata istinadən xəbər verir ki, Şimali Koreya lideri Kim Çen Inın bacısı və Koreya Fəhlə Partiyası Mərkəzi Komitəsinin sədr müavini Kim Yo Son Pxenyanın yaxın vaxtlarda qitələrarası ballistik raketin mövcudluğunu nümayiş etdirmək üçün, uzun mənzilli sınaq buraxılışı həyata keçiriləcəyini bildirib. Koreya Mərkəzi Teleqraf Agentliyi Kim Yo Sona istinadən bildirib ki, bu, Qərbin tənqidlərinə və təhdidlərinə cavab olacaq.
“Qərb ölkələri bizim strateji silahlarımızın imkanlarını təsdiqləmək üçün şaquli buraxılış deyil, normal bucaqdan buraxılışın lazım olduğuna dair arqumentlərlə çıxış edirlər. Onlar bunu tezliklə görəcəklər”, deyə Kim Yo Son bildirib.
Qeyd edək ki, bir müddət əvvəl KXDR Pyonqan-Pukto əyalətinin ərazisindən Yapon dənizinə doğru iki ballistik raket atmışdı. KİV-in məlumatına görə, raketlərin buraxılması Pxenyanın KXDR-də insan haqlarının vəziyyətinin yaxşılaşdırılmasını tələb edən BMT qətnaməsinin qəbuluna cavab ola bilər.
pia.az
Digərxəbərlər
Populyar xəbərlər
