Şimali Koreya ABŞ-ın casus təyyarələrini onun hava məkanını zəbt etməkdə ittiham edib və təkrar insident olacağı təqdirdə belə təyyarələrin vurulmayacağına dair heç bir təminat olmadığı ilə hədələyib...
Poliqon xəbər verir ki, bu barədə Şimali Koreya Müdafiə Nazirliyinin sözçüsü rəsmi xəbər agentliyi KCNA-ya bildirib.
Şimali Koreyanın Müdafiə Nazirliyi bildirib ki, ötən həftə Amerikanın RC-135, U-2S və RQ-4B kəşfiyyat təyyarələri Yapon dənizi və Sarı dəniz üzərində “təxribat xarakterli” uçuşlar həyata keçirib.
Eyni zamanda, Yapon dənizində ABŞ Hərbi Hava Qüvvələrinə məxsus strateji kəşfiyyat təyyarəsinin “bir neçə dəfə onlarla kilometr KXDR-in hava məkanını pozduğu” iddia edilir.
"ABŞ Hərbi Hava Qüvvələrinin Yapon dənizi üzərində strateji kəşfiyyat təyyarəsinin vurulması kimi şokedici hadisənin baş verməyəcəyinə zəmanət yoxdur", deyə Şimali Koreya ordusunun sözçüsü bildirib.
O, həmçinin ABŞ-ın Koreya yarımadasında nüvə sualtı qayıq yerləşdirməyi planlaşdırmasını tənqid edib.
Poliqon.info