Bazar ertəsi, martın 13-də Serbiyanın iqtisadiyyat naziri Rade Başta Rusiyaya qarşı sanksiyalar tətbiq etməyə səsləyib…
Poliqon.info xarici mətbuata əsasən xəbər verir ki, bu barədə Serbiya mətbuatı məlumat yayıb. Həmçinin Rade Başta hökumətinin bütün nazirlərini anti-Rusiya sanksiyalarına qoşulmağın zəruriliyi barədə müzakirələrə dəvət edib.
Serbiyanın İqtisadiyyat naziri sosial şəbəkədəki səhifəsində belə yazıb: “Ölkəmiz Rusiyaya qarşı sanksiyalar tətbiq etmədiyi üçün onsuz da böyük əvəzlər ödəyir və bu, artıq dözülməz hala çevrilir. İqtisadiyyat naziri kimi mən Serbiya prezidenti Aleksandar Vuçiçə edilən təzyiqləri qəbul edə bilmirəm. Buna görə də biz susmamalıyıq”.
Başta qeyd edib ki, məhz bu təzyiqlər üzündən Rusiyaya qarşı sanksiyaların tətbiqinin tərəfdarıdır:
“Bu səbəbdən mən Rusiyaya qarşı sanksiyaların tətbiqinin tərəfdarıyam. Dövlət və milli maraqların qorunmasında prezident Vuçiçi dəstəkləyirəm və ona tam etibar edirəm. Bununla əlaqədar mən Serbiya hökumətindən və bütün nazirlərdən bu məsələ ilə bağlı səsini çıxarmalarını xahiş edirəm”, deyə Başta vurğulayıb.
Poliqon.info
Digərxəbərlər
Populyar xəbərlər
